Nə normaldır?
Doğuşdan sonrakı ilk aylarda genişlənmə hissi, tonus zəifliyi və hissiyyat dəyişikliyi geniş yayılmış və əksər hallarda müvəqqəti haldır. Bərpaya təsir edən amillər:
- Doğuşun üsulu və gedişi (uzun sürən doğuş, iri döl, alət tətbiqi)
- Doğuşların sayı
- Çanaq dibi əzələlərinin ümumi vəziyyəti
- Doğuşdan sonrakı qulluq və məşqlər (Kegel)
Nə zaman həkimə müraciət etməli?
Doğuşdan 6 ay və daha çox keçməsinə baxmayaraq aşağıdakılar davam edirsə, bu artıq "gözləmə" mərhələsi deyil:
- Davamlı genişlənmə hissi və intim həyatda hissiyyatın nəzərəçarpan azalması
- Cinsi əlaqə zamanı hava-qaz səsləri
- Gülərkən, asqırarkən sidik qaçırma
- Doğuş tikişlərinin qeyri-düzgün bitişməsi ilə bağlı diskomfort
Həll yolları hansılardır?
Yüngül hallarda çanaq dibi əzələlərinin düzgün texnika ilə məşqi kifayət edə bilər. Davamlı və funksional pozğunluqla müşayiət olunan hallarda vaginoplastika (ön-arxa kolporafiya) əməliyyatı vaginal kanalı daraldır və əzələ dəstəyini bərpa edir; sidik qaçırma varsa, korreksiya eyni seansda aparıla bilər. Uyğunluq yalnız müayinə ilə müəyyən edilir.
Ən vacibi
Bu mövzuda utanılacaq heç nə yoxdur. Problem vaginanın dəyişməsi deyil — qadınların bu barədə susaraq illərlə diskomfortla yaşamasıdır. Sual vermək, müayinədən keçmək və imkanları öyrənmək hər qadının haqqıdır; konsultasiya tam məxfidir.